இலஞ்சம் அல்லது ஊழல் பற்றிய சார்த்துதல்களை விசாரிப்பதற்கான ஆணைக்குழுவின்  நேர்மைத்திறன் மிகு தேசத்தை கட்டியெழுப்புவதற்கான தேசிய செயற்றிட்டத்தின் ஓர் அங்கமாக கம்பஹா மாவட்ட பொதுமக்கள் மற்றும் சிவில் சமூக பிரதிநிதிகளுக்கான தடுப்பு நிவாரண விழிப்பூட்டல் நிகழ்ச்சித்திட்டம் 2018 செப்டம்பர் மாதம் 1 ஆம் திகதி சனிக்கிழமை காலை 8.00 மணி முதல் பி.ப 2.00 மணி வரையும்,  கம்பஹா மாவட்ட செயலக கேட்போர் கூடத்தில் நடைபெற்றது. இந்நிகழ்வில் ஆணைக்குழுவின் ஆணையாளர் ஓய்வு பெற்ற மேல்முறையீட்டு நீதிமன்ற நீதிபதி திரு. ரஞ்சித் லால் சில்வா, ஆணையாளர் திரு. நெவில் குருகே, பணிப்பாளர் நாயகம் சனாதிபதி சட்டத்தரணி திரு. சரத் ஜயமான்ன மற்றும் கம்பஹா மாவட்ட செயலாளர் திரு சுனில் ஜயலத் உள்ளிட்ட அரச அலுவலர்கள், சிவில் சமூக பிரதிநிதிகள் மற்றும் பலரும் கலந்து சிறப்பித்தமை குறிப்பிடத்தக்கது

அண்மையில் பெறுகை ஆணைக்குழுவின் சிரேஷ்ட உறுப்பினர்களுடன் இலஞ்சம் மற்றும் ஊழல் பற்றிய சார்த்துதல்களைப் புலனாய்வு செய்வதற்கான ஆணைக்குழுவானது, இலஞ்சம் மற்றும் ஊழலை இல்லாதொழிப்பதற்கான தேசிய செயற்றிட்டத்தை மேம்படுத்துவது தொடர்பிலான நீண்ட கலந்துரையாடலை மேற்கொண்டது. பிரதானமாக கலந்துரையாடலுக்குற்பட்ட விடயம் பெறுகை தொடர்பானதாகும். குறிப்பாக நாடளாவிய ரீதியில் அரசாங்க ஊழியர்களுடன் முன்னெடுக்கப்பட்ட கலந்துரையாடல்களின் போது மேற்கொள்ளப்பட்ட முன்மொழிவுகளின் அடிப்படையிலேயே கலந்துரையாடல் அமையப்பெற்றதுடன், பெறுகை தொடர்பான வலிதான ஏற்பாடுகள் இலஞ்சம மற்றும் ஊழலுக்கான வாய்ப்புக்களை குறைப்பதற்கு காரணமாய் அமையும் என்பது தொடர்பான கருத்துக்கள் முன்வைக்கப்பட்டன.

CIABOC இன் மற்றுமொரு மைல்கல் நிகழ்வு 'நேர்மைத்திறனுக்கு இளைஞர்கள்' எனும் தொனிப்பொருளில் அவிஸ்ஸாவெல படங்கல இளைஞர் சேவை பயிற்சி மையத்தில் கடந்த ஆகஸ்ட் மாதம் 29 ஆம் திகதி நடைபெற்றது. மேற்படி நிகழ்வானது இளைஞர் விவகார அமைச்சுஇ, அமெரிக்க சட்டத்தரணிகள் சங்கம், தேசிய இளைஞர் பேரவை மற்றும் பல நிறுவனங்களின் உதவியுடன் நடைபெற்றது. இந்நிகழ்வில் இலங்கையின் 25மாவட்டங்களை பிரதிநிதித்துவப்படுத்தும் வகையில் இளைஞர் கழகங்களின் நிறைவேற்றுக் குழு உறுப்பினர்கள், இளைஞர் பாராளுமன்ற உறுப்பினர்கள் கலந்து சிறப்பித்ததுடன் ஆணைக்குழுவின் பணிப்பாளர் நாயகம் திரு. சரத்ஜயமான்ன(PC)அவர்கள் இலஞ்சமும் ஊழலுமற்ற தேசத்தைக் கட்டியெழுப்பும் வகையிலான சிறப்பு விரிவுரையினை மிகவும் சுவாரஸ்யமான முறையில் மேற்கொண்டு இளைஞர்களின் உள்ளங்களில் நீங்கா இடம்பிடித்தார்.

நினைவுக்கெட்டிய காலப்பகுதியிலிருந்து உறக்கத்திலிருந்த இலஞ்ச ஊழல் ஆணைக்கு(இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழு) இன்று மீள் எழுச்சி பெற்று கடந்த காலநிலைமையை மாற்றி வருகின்றது.

இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவின் பணிகள் தொடர்பில் செயலமர்வொன்று 2018.08.21ஆம் திகதி சிறைச்சாலை அலுவலர்கள் 40பேரின் பங்குபற்றுதலுடன் நடைபெற்றது.

இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவின் புதிய பிரிவாக இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவின் நிவாரண பிரிவு ஆணைக்குழுவின் தவிசாளரின் தலைமையில், ஆணையாளர்கள் இருவரினதும் பணிப்பாளர் நாயகம் மற்றும் ஆணைக்குழுவின் பணியாளர்களின் பங்குபற்றுதலுடன் கடந்த 2018.08.17 ஆம் திகதி திறந்து வைக்கப்பட்டது. 

View More

மேல் நீதிமன்ற நீதிபதியினால் இலஞ்சம் வழங்கிய குற்றச்சாட்டில் HCB 2158/16 வழக்கில் குற்றத்தினை ஒப்புக் கொண்ட இரு குற்றவாளிகளுக்கு இரண்டு வருட கடூழிய சிறைத்தண்னை விதிக்கப்பட்;டு அது 20 வருடங்களுக்கு ஒத்திவைக்கப்பட்டதுடன் தண்டப்பணமாக தலா ரூபா 10000.00 விதிக்கப்பட்டு தீர்ப்பளிக்கப்பட்டது.

நுவரெலியா தொழில் நியாயசபையில் வழக்கொன்றில் சாட்சியமளிப்பது தொடர்பில் முறைப்பாட்டாளர் ஒருவருக்கு உதவும் வகையில் செயற்பட்டமை தொடர்பில் கிடைக்கப் பெற்ற முறைப்பாட்டுக்கு அமைய இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவின் அதிகாரமளிக்கப்பட்ட அதிகாரிகள் மூலம் தொழிற்திணைக்களத்தின் இரு சிரேஷ்ட அலுவலர்கள் ரூபா 8000.00 மற்றும் ரூபா 1000.00 இனை இலஞ்சமாக கோரி, பெற்றுக் கொண்ட நிலையில் கைதாகினர்.

இலஞ்சம் அல்லது ஊழல் பற்றிய சார்த்துதல்களை  விசாரணை செய்வதற்கான ஆணைக்குழுவும், UNODC மற்றும் UNDP முதலான மூன்று நிறுவனங்களும் இணைந்து கடந்த  ஜூலை 25 ஆம் திகதி தொடக்கம் 27 ஆம் திகதி வரை கொழும்பில் சர்வதேச நிபுணர்களின் பங்கேற்புடன் வெற்றிகரமான மாநாட்டை நடாத்தியது. இம்மாநாடானது 2012 ஆம் ஆண்டில் ஜகார்த்தாவில் வெளிப்படுத்தப்பட்ட பிரகடனத்தை மேலும் பலமிக்கதாய் மாற்றும் இலக்குடன் கொழும்பு பிரகடனத்தை தயாரிக்கும் நோக்குடனாகும். ஜகார்த்தா பிரகடனத்தின் நோக்கமானது ஊழலுக்கு எதிராக உலக நாடுகளில் நிறுவப்பட்டுள்ள நிறுவனங்களை உண்மையிலேயே பலமிக்கதாகவும், சுயாதீனமானதாகவும் மாற்றுவதற்கான வழிகளை கலந்துரையாடுவதற்காக முன்னெடுக்கப்பட்டதாகும். அப்பிரகடனத்தில்  16 பிரிவுகள் உள்ளடங்கப்பெற்றுள்ளன. ஜகார்த்தா பிரகடனம் வெளியிடப்பட்டதன் பிரதான நோக்கம்  ஐ.நாவின் ஊழலுக்கு எதிரான சமவாயத்தின் விதிமுறைகளுக்கு தெளிவான அர்த்தத்தை கொடுப்பதற்காகவாகும்.

30க்கும் அதிகமான நாடுகளின் நிபுணர்கள், ஆர்வலர்கள் கலந்து கொண்ட கடந்த மூன்று நாட்களில் முன்னெடுக்கப்பட்ட கலந்துரையாடல்களினூடே, ஊழலுக்கு எதிரான நிறுவனங்களை பலப்படுத்துவதற்கும் அவற்றின் சுயாதீனத்தை உறுதிப்படுத்துவற்கும் பல்வேறு வழிமுறைகள் ஆய்விற்குற்படுத்தப்பட்டு அங்கீகரிக்கப்பட்டமை குறிப்பிடத்தக்கது.