நேர்மையான அரச சேவையின் உருவாக்கத்திற்காக அரசாங்க அலுவலர்களை விழிப்பூட்டி நடாத்தும் நிகழ்ச்சித் திட்டமொன்று மாத்தறை மாநகர சபையின் 50 உத்தியோகத்தர்களின் பங்குபற்றலுடன் இலஞ்சம் மற்றும் ஊழல் பற்றிய சார்த்துதல்களைப் புலனாய்வு செய்யும் ஆணைக்குழுவினால் கடந்த 24.02.2025 அன்று மாத்தறை மாநகர சபை வளாகத்தில் நடைபெற்றது.

இலங்கை நிர்வாக அபிவிருத்தி நிருவகத்தினால்; ஏற்பாடு செய்யப்பட்ட, இலங்கை திட்டமிடல் சேவை (2013 இல் ஆட்சேர்ப்பு செய்யப்பட்ட) தரம் II உத்தியோகத்தர்களுக்கான தடுப்பு நிவாரண நிகழ்ச்சி, 'நிறுவன கட்டமைப்பிற்குள் பொதுத்துறை செயல்திறனை ஊக்குவித்தல்' என்ற தொனிப்பொருளில் 2025 பெப்ரவரி 06 ஆம் திகதி இலங்கை நிர்வாக அபிவிருத்தி நிருவகத்தின் கேட்போர் கூடத்தில் நடைபெற்றது.

கொழும்பு மாநகர சபை (CMC) இலஞ்சம் மற்றும் ஊழல் பற்றிய சார்த்துதல்களை விசாரணை செய்யும் ஆணைக்குழு (CIABOC) இணைந்து, 2025 பெப்ரவரி 08 ஆம் திகதி சனிக்கிழமை கொழும்பு மாநகர சபையின் நிறைவேற்றுத்தர அலுவலர்களுக்காக நேர்மைத்திறனை வலுப்படுத்தும் வகையிலான நிகழ்ச்சி;திட்டத்தை வெற்றிகரமாக நடத்தியது. தூய்மை, நெறிமுறை நிர்வாகம் மற்றும் பொது பொறுப்புணர்வை வளர்ப்பதற்காக கௌரவ ஜனாதிபதியால் அறிமுகப்படுத்தப்பட்ட நாடு தழுவிய பிரச்சாரமான தூய்மையான இலங்கை விஷேட வாரத்தின் (Clean Sri Lanka Initiative Week) ஒரு பகுதியாக இந்த நிகழ்வு நடைபெற்றது.

தெஹியத்தகண்டியவில் உள்ள மகாவலி அபிவருத்தி அதிகார சபையின் (MDA) C வலயத்தில் இலஞ்சம் மற்றும் ஊழல் பற்றிய சார்த்துதல்களை விசாரணை செய்யும் ஆணைக்குழுவுடன் (CIABOC) இணைந்து, ஊழல் எதிர்ப்பு நிகழ்ச்சித்திட்டத்தை வெற்றிகரமாக நடத்தியது. இந்த நிகழ்வில் காணி உத்தியோகத்தர்கள்;, பிரிவு முகாமையாளர்கள், கள உதவியாளர்கள், எழுதுனர்கள், அலுவலக நிர்வாகிகள், பொறியியளாளர்கள் மற்றும் விவசாய ஆலோசகர்கள் ஆகியோர் அரச வள முகாமையில் நேர்மைத்திறன் மற்றும் வெளிப்படைத்தன்மையை ஊக்குவிக்கும் நோக்கில் ஒன்றிணைக்கப்பட்டனர்.

களனி பள்ளத்தாக்கு தோட்ட தனியார் நிறுவன முகாமைத்துவம் மற்றும் தோட்ட ஊழியர்களுக்கு 2025 பெப்ரவரி 11 ஆம் திகதியன்று நிகழ்நிலை மூலம் முன்னெடுக்கப்பட்ட இலஞ்சம் மற்றும் ஊழல் பற்றிய பயிற்சி நெறியானது வெற்றிகரமாக முன்னெடுக்கப்பட்டமை குறிப்பிடத்தக்கது. நிகழ்நிலையில் மைக்ரோசொப்ட் TEAM செயலி மூலம் நடாத்தப்பட்ட இப்பயிற்சி நெறியில் பங்குபற்றுனர்கள் களனி பள்ளத்தாக்கு தோட்ட மாநாட்டு மண்டபத்தில் இருந்து இணைந்து கொண்டனர்.

அரச சேவையில் நேர்மை திறமை மேம்படுத்தும் நோக்கில் பயிற்சி பெற்ற 70க்கும் மேற்பட்ட உள்ளூர் அதிகாரிகள்

இலஞ்சம் மற்றும் ஊழல் பற்றிய சார்த்துதல்களை விசாரணை செய்யும் ஆணைக்குழு (CIABOC) கடந்த ஜனவரி 20 திகதியன்று ஹோமாகம பிரதேச செயலகத்தின் கீழ் உள்ள 70க்கும் மேற்பட்ட கிராம அலுவலர்களுக்கு (கிராமத் தலைவர்கள்) இலஞ்சம் மற்றும் ஊழல் தடுப்பு குறித்த சிறப்புப் பயிற்சிப் பட்டறையை ஏற்பாடு செய்தது. ஹோமாகம பிரதேச செயலகத்தின் புதிதாக திறக்கப்பட்ட கேட்போர் கூடத்தில் நடைபெற்ற இந்த நிகழ்ச்சி, பொது நிர்வாகத்தில் நெறிமுறை நடைமுறைகளை வலுப்படுத்துவதையும், அரசாங்க சேவைகளுக்கான பொதுமக்களின் அணுகலை நெறிப்படுத்துவதையும் நோக்கமாகக் கொண்டது.

இலஞ்சம் மற்றும் ஊழல் தொடர்பான புதிய சட்டம் குறித்த விழிப்புணர்வை ஏற்படுத்தவும், பொது பயணிகள் போக்குவரத்து துறையில் இலஞ்சம் மற்றும் ஊழலை இல்லாதொழிக்கும்; நோக்கத்துடன் நேர்மைத்திறன் குறித்த விழிப்புணர்வை ஏற்படுத்தும் நோக்கிலான பிரிதொரு தடுப்பு நிவாரண நிகழ்ச்சி கடந்த 07.02.2025 அன்று நடைபெற்றது. தேசிய போக்குவரத்து ஆணைக்குழு மற்றும் மேல்மாகாண பயணிகள் போக்குவரத்து அதிகாரசபையின் அதிகாரிகள் 38 பேர் கலந்து கொண்ட இந்நிகழ்வு பஸ்தியன் மாவத்தையில் அமைந்துள்ள தேசிய போக்குவரத்து ஆணைக்குழுவின் அலுவலக வளாகத்தில் இடம்பெற்றது.

இலஞ்சம் மற்றும் ஊழலை இல்லாதொழித்து வளமான நாட்டை உருவாக்கும் நோக்குடன் மலர்ந்த 2025 ஆம் ஆண்;டில் தனியார் துறைக்கான முதலாவது தடுப்பு வேலைத்திட்டம் 16.01.2025 அன்று போகல கிராஃபைட் லங்கா தனியார் நிறுவனத்தின் நிறைவேற்று அதிகாரிகளுக்காக நடைபெற்றது. இந்நிகழ்ச்சியில் அந்த நிறுவனத்தின் பொது முகாமையாளர் உட்பட 37 நிர்வாக அலுவலர்கள் கலந்து கொண்டனர்.

இலங்கையில் இருந்து இலஞ்சம் மற்றும் ஊழலை இல்லாதொழிக்கும் பிரதான நோக்கத்தின் கீழ், இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்யும் ஆணைக்குழு இலங்கையிலுள்ள அரச நிறுவனங்களில் இலஞ்சம் மற்றும் ஊழல் தொடர்பான முறைகேடுகளை இல்லாதொழித்து நேர்மையான அரச சேவைக்காக அரச அதிகாரிகளை வலுவூட்டும் தடுப்பு நிவாரண நிகழ்ச்சித்திட்டம் சுமார் 75 அரசு அதிகாரிகளின் பங்கேற்புடன் நடாத்தப்பட்டது. சுமார் 7 மணி நேரமாக முன்னெடுக்கப்பட்ட செயலமர்வில் இலஞ்ச ஊழல் ஆணைக்குழுவின் ஊழல் தடுப்பு நிவாரண உத்தியோகத்தர்களான திருமதி விமுக்தி ஜயசூரிய மற்றும் திருமதி ஜே.எல்.ஏ உதேசிகா ஜயசேகர ஆகியோர் வளவாளர்களாக கலந்து சிறப்பித்தனர்.

இலங்கையில் இருந்து இலஞ்சம் மற்றும் ஊழலை இல்லாதொழிக்கும் பிரதான நோக்கத்தின் கீழ், இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்யும் ஆணைக்குழு இலங்கையிலுள்ள அரச நிறுவனங்களில் இலஞ்சம் மற்றும் ஊழல் தொடர்பான முறைகேடுகளை இல்லாதொழித்து நேர்மையான அரச சேவைக்காக அரச அதிகாரிகளை வலுவூட்டும் தடுப்பு நிவாரண நிகழ்ச்சித்திட்டம் கல்லூரியின் சுமார் 100 பயிலுனர்களின் பங்கேற்புடன் நடாத்தப்பட்டது. இச்செயலமர்வில் இலஞ்ச ஊழல் ஆணைக்குழுவின் ஊழல் தடுப்பு நிவாரண உத்தியோகத்தர்களான திரு. ஸம்மி ஸ்ரீலால், திருமதி எரங்கா மதூஸி ஆகியோர் வளவாளர்களாக கலந்து சிறப்பித்தனர்.