பனாமுர பகுதியில் வசிக்கும் ஒரு பாரம்பரிய வைத்தியர் அளித்த முறைப்பாட்டின் படி, முறைப்பாட்டாளருக்கு ஆயுர்வேத மருத்துவ சபையினால் வழங்கப்படும் பாரம்பரிய மருத்துவர் என்ற சான்றிதழை அந்தத் துறையின் ஆணையாளரின் ஒப்புதலுடன் பெற்றுத் தர உதவி ஒத்தாசை புரிவதாக கூறி களனி பகுதியில் வசிக்கும் ஒரு நபர், பிலிமதலாவ பகுதியில் வசிக்கும் ஒரு தொழிலதிபர் மற்றும் நாவலப்பிட்டி பகுதியில் வசிக்கும் ஒரு அரசு சாரா நிறுவனத்தின் ஒருங்கிணைப்பாளர் ஆகியோர் இணைந்து ரூபா 10 இலட்சத்தினை இலஞ்சமாக கோரி அதில் 500000.00 இலஞ்சமாக கோரி பெற்றுக் கொண்டதுடன் அதற்கு உதவி ஒத்தாசை புரிந்த குற்றச்சாட்டில் மேற்படி மூன்று நபர்கள் 2025.03.22 ஆம் திகதி மு.ப. 11.55 மணியளவில் சினமன் கிரேண்ட் ஹோட்டலில் வைத்து இலஞ்ச ஊழல் விசாரணை ஆணைக்குழுவின் விசாரணை அதிகாரிகளால் கைது செய்யப்பட்டுள்ளனர்.

நபர் ஒருவரால் மேற்கொள்ளப்பட்டிருந்த வியாபார உரிமம் தொடர்பான விண்ணப்பம் தொடர்பில் உரிய நடவடிக்கைகளை மேற்கொண்டு வியாபார உரிமத்தினை வழங்குவதற்கு ஆவண செய்வதற்கு வேறு இரு நபர்களுக்கு ரூபா 2,000,000 (ரூபா 20 இலட்சம்) இனை இலஞ்சமாக வழங்குமாறு கோரியமை மற்றும் ரூபா 1,500,000 (ரூபா 15 இலட்சம் ) இனை இலஞ்சமாக கோரி பெற்றுக் கொள்வதற்கு உதவி புரிந்த குற்றச்சாட்டின் அடிப்படையில் முன்னாள் வர்த்தக மற்றும் சுற்றாடல் இராஜாங்க அமைச்சர் சதாசிவம் வியாழேந்திரன் 2025.03.25 அன்று பி;.ப 1.20 மணியளவில்> இலஞ்சம் மற்றும் ஊழல் பற்றிய சார்த்துதல்களைப் புலனாய்வு செய்யும் ஆணைக்குழுவின் விசாரணை அதிகாரிகளினால் கைது செய்யப்பட்டார்.

குருநாகல், பௌத்தலோக மாவத்தை பகுதியில் வசிக்கும் நபர் ஒருவர் அளித்த முறைப்பாட்டின் அடிப்படையில், முறைப்பாட்டாளரின் பெயரில் பதிவுசெய்யப்பட்ட தனியார் காணிக்குரிய உறுதிக்கு அரசாங்கத்திற்கு செலுத்த வேண்டிய முத்திரைத் தீர்வையைக் குறைப்பதற்குத் தேவையான நடவடிக்கைகளை மேற்கொள்வதற்காக ரூ. 50000/= ரூபாவை இலஞ்சமாக கோரிப் பெற்றுக் கொண்ட குற்றச்சாட்டின் பேரில் வடமேல் மாகாண சபையின் மாகாண உள்நாட்டு இறைவரி திணைக்களத்தில் பணிபுரியும் மதிப்பீட்டு அதிகாரியான பெண்மணி ஒருவர், கடந்த 17.03.2025 அன்று பிற்பகல் 1.05 மணியளவில் மாகாண இறை வரி திணைக்கள அலுவலகத்தில் அவரின் அலுவலக மேசைக்கு அருகில் வைத்து இலஞ்ச ஊழல் விசாரணை ஆணைக்குழுவின் விசாரணை அதிகாரிகளால் கைது செய்யப்பட்டார்;.

அரசாங்க தொழிலை வழங்குவதாகக் கூறி, முறைப்பாட்டாளரிடமிருந்தும் ஏனைய மூவரிடமிருந்தும் ரூபா 505000/= (ஐந்து இலட்சத்து ஐயாயிரம்) ரூபாவை இலஞ்சமாக கோரிப் பெற்றுக் கொண்டமை மற்றும் உதவி ஒத்தாசை புரிந்த குற்றச்சாட்டில் திறந்த விசாரணைக்குப் பிறகு, 13.03.2025 அன்று காலை 7.30 மணியளவில் குட்டிகல, படலங்கல பகுதியில் இரண்டு பொதுமக்கள் இலஞ்ச ஊழல் விசாரணை ஆணைக்குழுவின் விசாரணை அதிகாரிகளால் கைது செய்யப்பட்டுள்ளனர்.

சித்தாண்டி பிரதேசத்தைச் சேர்ந்த ஒருவர் செய்த முறைப்பாட்டின் பிரகாரம், துருக்கனமடு பகுதியில் முறைப்பாட்டாளரின் மனைவி பெயரில் உள்ள 3 ஏக்கர் நெற்பயிர் சேதப்படுத்தப்பட்டுள்ளதாகவும், குறித்த நெல்லுக்கு நட்டஈடு வழங்குவதற்கான ஏற்பாடுகளைச் செய்வதற்கு 50,000/= ரூபாயை இலஞ்சமாகக் கோரியுள்;ளதாகவும் கிடைக்கப்பெற்ற முறைப்பாட்டின் அடிப்படையில் ஆணைக்குழு மேற்கொண்ட சுற்றிவளைப்பில் கடந்த 2025.03.05 ஆம் திகதி காலை 9.44 மணியளவில் வந்தாறுமூலை விவசாய சேவை நிலையத்தின் அபிவிருத்தி உத்தியோகத்தர் செங்கலடி இலங்கை வங்கிக்கு முன்பாக இலஞ்ச ஊழல் விசாரணை ஆணைக்குழுவின் விசாரணை அதிகாரிகளால் கைது செய்யப்பட்டார்.

கல்னேவ பிரதேசத்தைச் சேர்ந்த ஒருவர் செய்த முறைப்பாட்டின் பிரகாரம், கொள்வனவு செய்யப்பட்ட பயிர் வெட்டும் இயந்திரம் (சுனாமி) வாங்கியவருக்கு சொந்தமானது அல்ல என விசாரணை செய்து சட்ட நடவடிக்கை எடுக்காமல் தீர்த்து வைத்ததோடு, இயந்திரத்திற்காக வாங்கிய பணத்தை மீளப் பெற்றுத் தரவும், பழைய உலோக வியாபாரத்தை சிரமமின்றி தொடர சந்தர்ப்பம் ஏற்படுத்தித் தரவும், 30,000 ரூபாவினை இலஞ்சம் கோருவதாகவும் முறைப்பாடு செய்துள்ளார். குறித்த முறைப்பாட்டின் அடிப்படையில் 2025.03.01 அன்று முற்பகல் 11.55 மற்றும் 11.58 மணியளவில் கல்னேவ பொலிஸ் நிலையத்திற்கு அருகிலுள்ள பிரதான வீதியில் வைத்து 30,000/= (முப்பதாயிரம்) ரூபாவை இலஞ்சமாக கோரியமை மற்றும் உதவி ஒத்தாசை புரிந்த குற்றச்சாட்டில் கல்னேவ பொலிஸ் நிலையத்தின் உப பொலிஸ் பரிசோதகர் மற்றும் பொலீஸ் கான்ஸ்டபிள் ஆகியோர் இலஞ்ச ஊழல் விசாரணை ஆணைக்குழுவின் விசாரணை அதிகாரிகளால் கைது செய்யப்பட்டுள்ளனர்.

கிரிபாவ பிரதேசத்தைச் சேர்ந்த ஒருவர் செய்த முறைப்பாட்டின் பிரகாரம், திருமணமாகி தன்னை விட்டுப் பிரிந்து சென்ற மனைவிக்கு எதிராக தொடுத்த நஷ்டஈடு வழக்கு தொடர்பாக அவரது மனைவிக்கு எதிராக பிடியாணையை நிறைவேற்றி மனைவியை நீதிமன்றத்திற்கு அழைத்து வர ஏற்பாடு செய்வதற்காக பொலிஸ் அலுவலர் ரூ. 20,000/= (இருபதாயிரம் ரூபாய்) இலஞ்சம் கேட்டதாகவும், அந்தத் தொகையை வழங்கவில்லை என்றால், முறைப்பாட்டாளரை சில சட்டவிரோத செயல்களுக்காக வழக்குப் பதிவு செய்து சிறையில் அடைப்பதாகவும், அதைச் செய்யாமல் இருக்க ரூபா 20,000/= இலஞ்சம் கோருவதாகவும் கிடைக்கப்பெற்ற முறைப்பாட்டின் அடிப்படையில் குறித்த பொலிஸ் அலுவலர் 24.01.2025 அன்று மதியம் 1.22 மணியளவில் முறைப்பாட்டாளரின் வீட்டில் வைத்து குறித்த தொகையை கோரிப்பெற்றுக் கொண்ட சந்தர்ப்பத்தில் கிரிபாவ பொலிஸ் சார்ஜன்ட் இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்யும் ஆணைக்குழுவின் விசாரணை அதிகாரிகளினால் கைது செய்யப்பட்டார்.

யாழ்ப்பாணம் நல்லூர் வடக்கு பகுதியைச் சேர்ந்த நபர் ஒருவர் செய்த முறைப்பாட்டின் பிரகாரம், விசா இன்றி இலங்கையில் தங்கியிருந்தமைக்காக கைது செய்யப்பட்ட முறைப்பாட்டாளரை வெலிசறை குடிவரவுத் குடியகழ்வு தடுப்பு நிலையத்தில் இருந்து விடுவிப்பதற்கான நடவடிக்கைகளை முன்னெடுப்பதற்கு ரூபா 500,000.00 இனை 2025.01.20 ஆம் திகதி பி.ப 4.42 மணியளவில் குடிவரவுத் திணைக்களத்தின் வெலிசறை வரவேற்பு நிலையத்தில் வைத்து கோரிப் பெற்றுக் கொண்ட சந்தர்ப்பத்தில் அதிகாரமளிக்கப்பட்ட குடிவரவு, குடியகழ்வு திணைக்கள அதிகாரி இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவின் அதிகாரிகளினால் கைது செய்யப்பட்டுள்ளார்.

கல்கிஸ்ஸை பிரதேசத்தைச் சேர்ந்த ஒருவர் செய்த முறைப்பாட்டின் பிரகாரம் முறைப்பாட்டாளரினால் நடாத்தப்படும் நிறுவனத்தில் சேவைபுரியும் ஊழியர்களின் மாதாந்தம் வழங்கப்படும் அடிப்படை சம்பளத்தினை ரூபா 5000.00 தினால் அதிகரிக்க வேண்டும் எனவும், அவ்வாறு அதிகரிக்கப்பட்ட தொகைக்கு ஏற்ப அரசாங்கத்திற்கு வழங்கப்பட வேண்டிய ஊழியர் சேமலாப நிதியினை வழங்க வேண்டும் எனவும், இந்த நிறுவனம் தொடர்பில் முன்னைய குற்றச்சாட்டுகள் உள்ளது எனவும் அது தொடரபில் மேலதிகாரிகளை தெளிவுபடுத்தி சட்ட ரீதியான நடவடிக்கைகளை எடுக்காதிருக்கவும், விசாரணையின் நிமித்தம் பெற்றுக் கொள்ளபப்ட்ட ஆவணங்களைத் மீளக்கையளிக்கவும் ரூபா 250,000.00 (இரண்டு இலட்சத்து ஐம்பதாயிரத்தினை) இலஞ்சமாக கோரிப் பெற்றுக்கொண்ட குற்றச்சாட்டில் தொழிலாளர் திணைக்களத்தின் கொழும்பு மேற்கு பிரதேச செயலகத்தின் தொழில் அலுவலராக பணிபுரியும் ஒருவர் 2025.01.22 ஆம் திகதி பி.ப 1.55 மணிக்கு கல்கிஸ்ஸை, காலி வீதியில் டெம்பளர்ஸ் சந்திக்கு அருகாமையில் அமையப் பெற்றுள்ள அரசாங்க மருத்தாக்கக் கூட்டுத்தாபனத்திற்கு முன்னாள் வைத்து இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவின் அதிகாரிகளினால் கைது செய்யப்பட்டுள்ளார்.

தம்பலகமுவ பிரதேசத்தைச் சேர்ந்த ஒருவர் செய்த முறைப்பாட்டின் பிரகாரம் முறைப்பாட்டாளர் திருகோணமலை பொலிஸ் நிலையத்தில் பணத் தகராறு தொடர்பில் முறைப்பாடு செய்து முறைப்பாட்டாளருக்கு வழங்க வேண்டிய பணத்தை பெற்றுக்கொடுக்க தேவையான நடவடிக்கைகளை எடுத்துத்தருவதாக கூறி 2024.12.23 அன்று இலஞ்சமாக ரூபா. 5,000.00 இனை கோரிப் பெற்றுக்கொண்ட குற்றச்சாட்டில் திருகோணமலை பொலிஸ் நிலையத்தில் அன்று பல்வேறு முறைப்பாடுகள் விசாரணைப் பிரிவில் பணிபுரியும் சமூக பொலிஸ் பிரிவிற்கு விடுவிக்கப்பட்ட பொலிஸ் சார்ஜன்ட் குறித்த தினத்தில் பி.ப 2.13 மணியளவில் திருகோணமலை பொலிஸ் நிலைய அலுவலர்கள் உணவு உண்ணும் இடைவேளை அறைக்கு முன்பாக உள்ள வாகன தரிப்பிடத்தில் இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவின் சுற்றிவளைப்பு பிரிவு அதிகாரிகளினால் கைது செய்யப்பட்டார்.

கோனகொல்ல பிரதேசத்தில் நபர் ஒருவர் செய்த முறைப்பாட்டின் பிரகாரம், அம்பாறை வன அதிகாரி அலுவலகத்தில் பணிபுரியும முதலாம் சந்தேகநபரான வட்டார வன உத்தியோகத்தர் ரூ. 40,000/= மற்றும் இரண்டாவது சந்தேக நபரான வனகள உதவியாளர் ரூ. 60,000/=இலஞ்சம் பெற்ற குற்றச்சாட்டில்; 2024.12.08 ஆம் திகதி இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவின் விசாரணை அதிகாரிகளால்; கைது செய்யப்பட்டனர்.

வீரவில பன்னெகமுவ பகுதியைச் சேர்ந்த முறைப்பாட்டாளர் ஒருவர் செய்த முறைப்பாட்டின் பிரகாரம் அவர் அரசாங்கக் கட்டணமாக 10000.00 (பத்தாயிரம் ரூபாய்) செலுத்தி தனது கடவுச்சீட்டைப் பெறுவதற்கு உரிய ஆவணங்களை 30.07.2024 அன்று சமர்ப்பித்துள்ளார். முறைப்பாட்டாளர் 12.12.2024 அன்று திணைக்களத்திற்கு கடவுச்சீட்டை பெற்றுக் கொள்ள சென்ற சந்தர்ப்பத்தில் குடிவரவு மற்றும் குடிவரவுத் திணைக்களத்தின் 2வது மாடியில் உள்ள தபால் நிலையத்தில் வைத்து, முறைப்பாட்டாளருக்கு அவருடைய கடவுச்சீட்மை வழங்குவதற்கு 6000.00 (ஆறாயிரம்) ரூபாவை இலஞ்சமாக கோரிப் பெற்றுக்கொண்ட சந்தர்ப்பத்தில் குற்றஞ்சாட்டப்பட்ட குடிவரவு மற்றும் குடியகழ்வு திணைக்களத்தின் அலுவலக ஊழியர் சேவையின் தரம் 1 ஊழியர்.குறி;த்த தினத்தன்று பிற்பகல் 1.45 மணியளவில் இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவின் அதிகாரிகளால் கைது செய்யப்பட்டார்.