இலங்கை நிதியியல் உளவறிதல் பிரிவு(FIU) மற்றும் இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவிற்கு இடையில் 2024.05.14 அன்று புரிந்துணர்வு ஒப்பந்தம் ஒன்று கைச்சாத்திடப்பட்டது. இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழு சார்பாக அதன் பணிப்பாளர் நாயகம் திரு. டப்.கே.டீ. விஜேரத்ன அவர்கள் மற்றும் இலங்கை நிதியியல் உளவறிதல் பிரிவு சார்பாக அதன் பணிப்பாளர் திருமதி. சுபானி கீர்த்திரத்ன ஆகியோர் இவ்வொப்பந்தத்தில் கைச்சாத்திட்டனர்.
2023 ஆம் ஆண்டின் 09ஆம் இலக்க ஊழல் எதிர்ப்புச் சட்டத்தின் ஏற்பாடுகளுக்கு அமைய இக்கூட்டுறவு ஏற்படுத்தப்பட்டுள்ளது. இரு சாராருக்கும் இடையிலான ஒத்துழைப்பு மற்றும் அநாமதேய உறவினை விருத்தி செய்வதற்காக கைச்சாத்திடப்பட்ட இவ்வொப்பந்தத்தின் முக்கிய குறிக்கோளானது, புலனாய்வு நடவடிக்கைகளுடன் தொடர்பான ரகசிய தரவுகளை இரண்டு நிறுவனங்களுக்கும் இடையில் பரிமாற்றம் செய்து கொள்வதாகும்.
