2023ஆம் ஆண்டின் 09ஆம் இலக்க ஊழல் எதிர்ப்புச் சட்டத்தின் பிரிவு 17 (1) இன் பிரகாரம் வழங்கப்பட்ட அதிகாரங்களின்படி, கௌரவ ஜனாதிபதி அவர்களின் 2025.01.08 ஆம் திகதியிடப்பட்ட நியமனக் கடிதத்தின்படி, மேல் நீதிமன்ற நீதிபதி திரு. ரங்க ஸ்ரீநாத் அபேவிக்ரம திஸாநாயக்க அவர்கள் இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவின் புதிய பணிப்பாளர் நாயகமாக 2025.01.10 ஆம் திகதி தனது கடமைகளைப் பொறுப்பேற்றார்.
ஆணைக்குழுவின் முன்னாள் பணிப்பாளர் நாயகமாக கடமையாற்றிய மேல் நீதிமன்ற நீதிபதி திரு. W.K.D. விஜேரத்ன அவர்கள் கடந்த 07.10.2024 அன்று பணிப்பாளர் நாயகம் பதவியிலிருந்து இராஜினாமா செய்த பின்னர், ஊழல் எதிர்ப்பு சட்டத்தின் பிரிவு 25 (2) இன் படி, பணிப்பாளர் நாயகத்தின் பணிகளை முன்னெடுப்பதற்காக ஆணைக்குழுவின் மேலதிக பணிப்பாளர் நாயகம் திருமதி. எம். ஆர். வை. கே. உடவெல அவர்கள் (புதிய பணிப்பாளர் நாயம் நியமிக்கப்படும் வரை) 10.10.2024 முதல் அமுலுக்கு வரும் வகையில் பணிப்பாளர் நாயகமாக நியமிக்கப்பட்டார். அன்று முதல் இன்று வரை ஆணைக்குழுவின் உறுப்பினர்களின் அறிவுறுத்தலின்படி, 62 வழக்குகளுக்கான குற்றப்பத்திரங்கள் தாக்கல் செய்யப்பட்டமை குறிப்பிடத்தக்கது. இதனை ஆணைக்குழுவினால் குறுகிய காலத்தில் எட்டப்பட்ட வெற்றிகர முயற்சியாக அடையாளப்படுத்தலாம்.
