இலங்கையிலிருந்து இலஞ்சம் மற்றும் ஊழலை இல்லாதொழிப்பதனை நோக்காகக் கொண்டு அரச நிறுவனங்களில் நடைபெறும் இலஞ்சம் மற்றும் ஊழலை மட்டுப்படுத்தி நேர்மையான சமூகமொன்றை உருவாக்குவதற்காக இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவினால் ஒழுங்கு செய்யப்பட்டு நடத்தப்படும் ஊழல் தடுப்பு நிவாரரண நிகழ்ச்சித்திட்டத்தின் முக்கிய நிகழ்வொன்று கமநல அபிவிருத்தித் திணைக்கள அதிகாரிகளை மையப்படுத்தி 2024.02.09 அன்று கமநல அபிவிருத்தித் திணைக்கள கேட்போர் கூடத்தில் இடம் பெற்றது.

லபுகலே பிரதேசத்தைச் சேர்ந்த பேரூந்து உரிமையாளர் ஒருவர் மேற்கொண்ட முறைப்பாட்டிற்கமைய, முப்பதாயிரம் ரூபாயை இலஞ்சமாகப் பெற்றமை தொடர்பாக மத்திய மாகாண பயணிகள் போக்குவரத்து அதிகார சபையின், நுவரெலிய மாவட்ட அலுவலகத்தின் உத்தியோகத்தர்கள் இருவர் இலஞ்சம் மற்றும் ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவின் புலனாய்வு அதிகாரிகளால் 2024.02.20 அன்று 10.10 மணியளவில் அலுவலகத்தில் வைத்தே கைது செய்யப்பட்டனர்.

இலஞ்சம் அல்லது ஊழல் தொடர்பான சார்த்துதல்களை புலனாய்வு செய்வதற்கான ஆணைக்குழுவின் ஆணையாளர்களுக்கும் பொலீஸ் மாஅதிபருக்கும் (பதில் கடமை) இடையிலான விஷேட சந்திப்பொன்று 2024 ஜனவரி 17ம் திகதி ஆணைக்குழுவில் இடம்பெற்றதுடன், ஆணைக்குழுவின் புலனாய்வுப் பிரிவினை மேம்படுத்துவது தொடர்பான பல்வேறு விடயங்கள் இங்கு கலந்துரையாடப்பட்டன. இதனடிப்படையில், பொலீஸ் திணைக்களத்தில் கடமை புரியும் புலனாய்வு தொடர்பான அறிவும், அனுபவமும் மிக்க அதிகாரிகளை ஆணைக்குழுவின் புலனாய்வுப் பிரிவிற்கு இணைப்பாக்கம் செய்வதற்கும், ஊழல் தடுப்புச் சட்டத்தின் அடிப்படையில் பதிதாக உருவாக்கப்பட்ட துறைகளான பண மோசடி மற்றும் தடயவியல் புலனாய்வு விடயங்கள் தொடர்பாகவும் மற்றும் புதிய சட்டத்திற்கு உள்வாங்கப்பட்ட ஏனைய விடயங்கள் தொடர்பாகவும் இங்கு கவனம் செலுத்தப்பட்டதுடன் தற்பொழுது ஆணைக்குழுவில் கடமை புரியும் புலனாய்வு அதிகாரிகளுக்கு விடய அறிவினைப் பெற்றுக்கொடுத்தல், புதிய சட்டத்தின் அடிப்படையில் கூட்டு விசாரணையில் ஈடுபடுவது தொடர்பாகவும் இங்கு கலந்துரையாடப்பட்டது.

மருதமுனை பிரதேச நபரொருவரால் மேற்கொள்ளப்பட்ட முறைப்பாடொன்றிற்கமைய 10000.00 ரூபாயை இலஞ்சமாகப் பெற்ற தொழிலாளர் அதிகாரி ஒருவர் இலஞ்சம் அல்லது ஊழல் தொடர்பான சார்த்துதல்களை புலனாய்வு செய்வதற்கான ஆணைக்குழு அதிகாரிகளால் கைது செய்யப்பட்டார். முறைப்பாட்டாளரால் குறித்த பிரதேசத்தில் நடத்தப்பட்டு வந்த ஹோட்டல் ஊழியர்களுக்கு ஊழியர் சேமலாப நிதியம் வழங்கப்படுவதில்லை என்று முறைப்பாடொன்று அம்பாறை காரியாலத்திற்கு வந்ததாகக் குறிப்பிட்டு, அதனை தான் விசாரிப்பதாகவும் சட்ட ரீதியான நடவடிக்கை எடுக்காமல் உதவுவதாகவும் குறிப்பிட்ட சந்தேக நபர் அதற்காக 10000.00 ரூபாயை இலஞ்சமாக கேட்டுப் பெற்ற வேளையில் 2024.01.18ம் திகதி பிற்பகல் 6.44 மணியளவில் மருதமுனை அல் கயாம் ஹோட்டல் முன்னால் வைத்துக் கைது செய்யப்பட்டார்.

நாரம்மல பிரதேசத்தை சேர்ந்த நபரொருவரால் மேற்கொள்ளப்பட்ட முறைப்பாடொன்றிற்கு அமைய 10000.00 ரூபாயை இலஞ்சமாகப் பெற்ற உதவிப் பொலீஸ் பரிசோதகர் மற்றும் பொலீஸ் கான்ஸ்டபிள் ஒருவர் இலஞ்சம் மற்றும் ஊழல் தொடர்பான சார்த்துதல்களை புலனாய்வு செய்வதற்கான ஆணைக்குழுவின் புலனாய்வு அதிகாரிகளால் கைது செய்யப்பட்டனர். குறித்த சந்தேக நபர்கள், முறைப்பாட்டாளரினால் தன்னுடைய வீட்டில் நடத்திச் சென்ற சட்ட விரோத கசிப்பு விற்பனையை சுற்றிவளைத்து முறைப்பாட்டாளரை கைது செய்தாலும், வழக்கத் தொடுக்காமல் இருப்பதற்கும், தொடர்ந்தும் கசிப்பு விற்பனையை நடாத்திச் செல்ல அனுமதிப்பற்கும் 10000.00 ரூபாயை இலஞ்சமாகப் பெற்ற போது 2024.01.16 அன்று மாலை 18.40 அளவில் நாரம்மலையில் உள்ள குறித்த முறைப்பாட்டாளரின் வீட்டில் வைத்து கைது செய்யப்பட்டனர்.

கௌரவ ஜனாதிபதி ரணில் விக்ரமசிங்ஹ அவர்களினால் இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவிற்கு 2023 டிசம்பர் 21ம் திகதி முதல் புதிய உறுப்பினர்கள் நியமிக்கப்பட்டுள்ளனர்.

இலஞ்சம் அல்லது ஊழல் தொடர்பான சார்த்துதல்களை புலனாய்வு செயவதற்கான ஆணைக்குழுவின் புலனாய்வு அதிகாரிகள் 05.12.2023 அன்று களுத்துறை மாவட்ட நீதிமன்ற அலுவலக உதவியாளர் ஒருவரைக் கைது செய்தனர்.

மத்திய சுற்றாடல் அதிகார சபையின் தலைவரும் அவருக்கு உதவி செய்த இரு இடைத்தரகர்களும் இலஞ்சம் அல்லது ஊழல் தொடர்பான சார்த்துதல்களை புலனாய்வு செய்வதற்கான ஆணைக்குழுவினரால் 10.11.2023 அன்று கைது செய்யப்பட்டனர்.

சியம்பலாண்டுவ பிரதேசத்தை சேர்ந்த நபரொருவரால் மேற்கொள்ளப்பட்ட முறைப்பாடொன்றிற்கமைய வனசீவராசிகள் பாதுகாப்புத் திணைக்களத்தின் மொரான பிரிவு வன அலுவலகத்தில் கடமையாற்றும் பிரிவு வன அலுவலகர் 50000.00 ரூபாய் இலஞ்சமாக பெற்ற குற்றச்சாட்டின் பெயரில் 2023.11.09ம் திகதியன்று இலஞ்சம் அல்லது ஊழல் தொடர்பான சார்த்துதல்களை புலனாய்வு செய்வதற்கான ஆணைக்குழுவின் புலனாய்வு அதிகாரிகளால் கைது செய்யப்பட்டார்.

இலஞ்சம் அல்லது ஊழல் தொடர்பான குற்றச்சாட்டுகளை புலனாய்வு செய்வதற்கான ஆணைக்குழு அதிகாரிகள் 25.08.2023 ஆம் திகதி பதவிய பிரதேச செயலகத்தின் குடியேற்ற அதிகாரியை கைது செய்தனர். பதவிய, ஸ்ரீபுர பகுதியை சேர்ந்த முறைப்பாட்டாளருக்கு சொந்தமான சுவர்ணபூமி பத்திரத்தை முறைப்பாட்டாளரின் உறவினருக்கு மாற்றிக் கொடுப்பதற்கான ஏற்பாடுகளை செய்து கொடுப்பதற்கு 25000.00 ரூபாயை இலஞ்சமாக பெறுகையில் குடியேற்ற அதிகாரியின் காரியாலயத்தில் வைத்து கைது செய்யப்பட்டார்.

தம்பதெனிய பிரதேசத்தை சேர்ந்த நபரொருவரால் மேற்கொள்ளப்பட்ட முறைப்பாட்டிற்கமைய, இலஞ்சமாக பணத்தைப் பெற்ற குற்றச்சாட்டின் பெயரில் மருதானை பொலிஸ் நிலைய சூழல் பிரிவின் பொறுப்பதிகாரி (உதவி ஆய்வாளர்) 2023.07.20ம் திகதி இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்வதற்கான ஆணைக்குழுவின் விசாரணை அதிகாரிகளால் கைது செய்யப்பட்டார்.

பொத்துவில் இலங்கை போக்குவரத்து சபை காரியாலயத்தில் கடமையாற்றும் நடத்துனர் ஒருவர் வழங்கிய முறைப்பாட்டின் அடிப்படையில் அகில இலங்கை மோட்டார் தொழிலாளர் சங்கத்தின் பொதுச் செயலாளராக கடமையாற்றிவந்த (சிரேஷ்ட டெப்போ பரிசோதகர்) ஒருவர் இலஞ்சம் பெற்றுக்கொண்டமை தொடர்பில் 2023.06.12 ஆம் திகதி இலஞ்சம் அல்லது ஊழல் பற்றிய
சார்த்துதல்களை புலனாய்வு செய்வதற்கான ஆணைக்குழுவின் விசாரணை அதிகாரிகளால் கைது செய்யப்பட்துள்ளார்.