முறைப்பாட்டாளர் வாகனங்களை லீசிங் செய்யும் நிறுவனத்தை நடாத்தி வந்ததுடன், குறித்த நிறுவனத்தின் லீசிங் செய்யப்பட்ட வாகனங்களை தரித்து வைக்கும் கட்டத்திற்கு சட்ட விரோதமாக மின் இணைப்பினை பெற்றிருந்தார் என்ற குற்றச்சாட்டின் அடிப்படையில் கைது செய்து, சட்டரீதியாக நடவடிக்கை மேற்கொள்ளாதிருக்க ஹோமாகம பிரதேச மின் பொறியியலாளர் அலுவலகத்தின் அலுவலர் ஒருவர் ரூபா 100,000.00 இனை இலஞ்சமாக கோரி அதனை முறைப்பாட்டாளரிடமிருந்து இலஞ்சமாகப் பெற்றுக் கொண்ட சந்தர்ப்பத்தில் 2019.06.20 ஆம் திகதி இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவின் விசாரணை அதிகாரிகளினால் கைது செய்யப்பட்டார்.

இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்வதற்கான ஆணைக்குழுவின் பணிப்பாளர் நாயகம் சனாதிபதி சட்டத்தரணி திரு. சரத் ஜயமான்னே அவர்கள்  2019 மே மாதம் 10 ஆம் திகதியிலிருந்து அமுலுக்கு வரும் வகையில் சட்டமா அதிபர் திணைக்களத்தின் சிரேஷ்ட மேலதிக மன்றடியார் தலைமை அதிபதியாக பதவி உயர்வு பெற்றுள்ளார். முன்பு இவர் மேலதிக மன்றடியார் தலைமை அதிபதியாக பதவி வகித்தமை குறிப்பிடத்தக்கது. எவ்வாறாயினும் தொடர்ந்தும் திரு. சரத் ஜயமான்னே அவர்கள் இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்வதற்கான ஆணைக்குழுவின் பணிப்பாளர் நாயகம் பதவியினை தொடர்கின்றார்.

ஆணைக்குழுவின்   பிரதான நுழைவாயில் மூடப்பட்டுள்ளது. பிரதான நுழைவாயிலானது புதிதாக மதில் அமைக்கும் நடவடிக்கைகள் முன்னெடுக்கப்படுவதினால் மூடப்பட்டுள்ளதுடன் பின் நுழைவாயில் பொதுமக்கள் மற்றும் ஊழியர்களின் பாவணைக்காக திறக்கப்பட்;டுள்ளமை குறிப்பிடத்தக்கது.

இம்முயற்சிக்கு மேலதிகமாக அமைச்சரவையினால் வழங்கப்பட்ட பரிந்துரைக்கமைய சட்டவரைஞர் திணைக்களத்துடன்  இணைந்து புதிய சொத்துக்கள் பொறுப்புக்கள் வெளிப்படுத்தல் சட்டத்தினை தயாரிப்பதற்கு CIABOC நடவடிக்கைகளை முன்னெடுத்து வருகின்றது. அத்துடன் டிஜிட்டல் முறைமையிலான சொத்துக்கள் பொறுப்புக்கள் வெளிப்படுத்தல் முறைமையினை அறிமுகப்படுத்துவதற்கும் பரீட்சார்த்த முயற்சிகளை முன்னெடுத்து வருகின்றது. (இலத்திரனியல் முறைமையினூடாக சொத்துக்கள் பொறுப்புக்களை வெளிப்படுத்தும் மாதிரி படிவத்தை தயாரித்தல்). இம்முயற்சி நிறைவடையும் போது அரசாங்க அலுவலர்களுக்கு இலகுவாக தமது வெளிப்படுத்தல்களை வழங்கும் சந்தர்ப்பம் உதயமாகும் எனலாம்.

இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்வதற்கான ஆணைக்குழுவின் பணிப்பாளர் நாயகம் சனாதிபதி சட்டத்தரணி திரு. சரத் ஜயமான்னே அவர்கள்  இலங்கை அரச பிரதிநிதிகள் குழுவுடன் திறந்த அரசாங்கக்களுக்கிடையிலான பங்குபற்றல் தொடர்பான சர்வதேச மாநாட்டில் கலந்து சிறப்பிக்கவுள்ளார்.

இலங்கை மகாவலி அதிகார சபைக்குற்பட்ட வெஹரகல தென்ன பிரிவின் நாமல் கம பிரதேசத்தின் காணித்துண்டொன்றை முறைப்பாட்டாளரின் மகளின் பெயரிற்கு மாற்றிக் கொடுப்பதற்கு அவசிய நடவடிக்கைகளை முன்னெடுப்பதற்கு முறைப்பாட்டாளரிடம் ரூபா 5000.00 இனை இலஞ்சமாக கோரிப் பெற்றுக் கொண்ட சந்தர்ப்பத்தில் இலங்கை மகாவலி அதிகார சபையின்  வெஹரகல தென்ன பிரிவின் போகஸ்வெவ பிரிவு முகாமையாளர்  2019.05.09 அன்று இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவின்  விசாரணை அதிகாரிகளினால் கைது செய்யப்பட்டார்.

ஹொரவப்பொத்தானை பொலிஸ் நிலையத்தினால் கைது செய்யப்பட்டு தடுப்புக்காவலில் வைக்கப்பட்டிருக்கும் தேசிய தௌஹீத் ஜமாத் அமைப்பின் அங்கத்தவர் என சந்தேகிக்கப்படுபவரை, நீதிமன்றத்தில் ஆஜர்படுத்தி வழக்கு தாக்கல் செய்யாது  விடுதலை செய்து கொள்வதற்கு உதவிபுரியுமாறு கோரி பொலிஸ் நிலையப் பொறுப்பதிகாரிக்கு ரூபா 500,000.00 இனை இலஞ்சமாக வழங்குவதாக கூறி அதில்  ரூபா 250,000.00இனை இலஞ்சமாக வழங்கிய போது, அப்பணத்தொகையை வழங்கிய நபரை இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவின்  சுற்றிவளைப்புப் பிரிவின்  அதிகாரிகள் கைது செய்தனர்.

இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்வதற்கான ஆணைக்குழுவின் புலனாய்வு உத்தியோகத்தர் பதவிக்கு ஆட்சேர்ப்பு செய்வதற்க்கான போட்டிப்பரீட்சை கடந்த 27.10.2018 அன்று நடைபெற்றமை குறிப்பிடத்தக்கது. குறித்த பரீட்சையின் அடிப்படையில் பரீட்சைத்திணைக்களத்தினால் நேர்முகப்பரீட்சைக்கு தகுதிபெற்றுள்ள பரீட்சார்திகளின் விபரப்பட்டியல் வெளியிடப்பட்டுள்ளது. அதன் அடிப்படையில் அவர்கள் அனைவரும் கட்டமைக்கப்பட்ட நேர்முகப்பரீட்சைக்கு அழைப்பு விடுக்கப்படுவதுடன் அவர்களில் இருந்து தகுதியுடைய200 பேர் புலனாய்வு உத்தியோகத்தர்களாக ஆணைக்குழுவிற்கு இணைத்துக்கொள்ளப்படவுள்ளமை குறிப்பிடத்தக்கது.

2018 ஆம் ஆண்டிற்கான பயிர்நில இழப்பீட்டுத் தொகையை பெற்றுக் கொள்வதற்கு விண்ணப்பத்திருந்த முறைப்பாட்டாளரிடம்,பக்கமூன விவசாய மத்திய நிலையத்தின் விவசாய ஆராய்ச்சி மற்றும் உற்பத்தி உதவியாளர் மற்றும் பொலன்னறுவை விவசாய காப்புறுதி மையத்தின் அபிவிருத்தி உத்தியோகத்தர் ஆகிய இருவரும் ரூபா 58000.00 இனை இலஞ்சமாக கோரி அதனை முறைப்பாட்டாளரிடமிருந்து இலஞ்சமாகப் பெற்றுக் கொண்ட சந்தர்ப்பத்தில் 2019.03.27 ஆம் திகதி  இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவின்  விசாரணை அதிகாரிகள் இருவரினையும் கைது செய்தனர்.

கலன்பிந்துனுவெவ பொலிஸ் நிலையத்தில் பணிபுரிந்த மூன்று பொலிஸ் அலுவலர்கள் முறைப்பாட்டாளரிடம் ரூ. 20000.00 இலஞ்சமாக கோரி அதில் ரூபா 10000.00 இனை பெற்றுக் கொண்ட குற்றச்சாட்டின் பேரில் கொழும்பு மேல்நீதிமன்ற நீதிபதி கௌரவ சம்பத் விஜேரத்ன அவர்கள் மூவரையும் குற்றவாளிகளாக்கி தீரப்பளித்தார்.

இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்வதற்கான ஆணைக்குழுவின் பணிப்பாளர் நாயகம் சனாதிபதி சட்டத்தரணி திரு. சரத் ஜயமான்னே அவர்கள் ரூபவாஹினி தொலைக்காட்சியில்  மு.ப 11.30மணிக்கு இலங்கையில் இலஞ்சம் மற்றும் ஊழலை இல்லாதொழிப்பதற்கான தேசிய செயற்பாட்டுத்திட்டத்தினை வெளியிடுதல் தொடர்பான விஷேட நேர்காணலில் பங்குபற்றுகின்றார்.

கஹவத்த பொலிஸ் நிலையத்தின் உப பொலிஸ் பரிசோதகர் ஒருவருக்கு கொழும்பு மேல்நீதிமன்ற நீதிபதி கௌரவ விகும் கலுஆரச்சி அவர்கள் இலஞ்சம் பெற்ற குற்றச்சாட்டின் பேரில் குற்றத்தீர்ப்பளிக்கப்பட்டார்.