இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்யும் ஆணைக்குழுவின் 2025ஆம் ஆண்டுக்கான பணிகள் இன்று (2025.01.01) காலை 8.30 மணியளவில் தேசியக் கொடி ஏற்றி தேசிய கீதம் இசைக்கப்பட்டதுடன் ஆரம்பிக்கப்பட்டது. ஆரம்பமாக உரையாற்றிய பணிப்பாளர் நாயகம் திருமதி எம்.ஆர்.வை.கே. உடவெல, ஊழல் எதிர்ப்பு சட்டத்தின் மூலம் ஆணைக்குழுவிற்கு வழங்கப்பட்டுள்ள பரந்தளவிலான அதிகாரங்களுடன் கடமைகளை நிறைவேற்றுவதில் அனைத்து அதிகாரிகளினதும் பங்களிப்பும் அர்ப்பணிப்பும் அவசியம் என்பதனை வலியுறுத்தினார்.

மத்திய மாகாண கால்நடை உற்பத்தி மற்றும் சுகாதாரத் திணைக்களத்தின் அனைத்து 50 அதிகாரிகளுக்கும், இலஞ்சம் மற்றும் ஊழல் குற்றச்சாட்டுகள் தொடர்பாக பேராதனை, கெட்டம்பேயில் உள்ள கால்நடை வளர்ப்பு பயிற்சி மையத்தில் 2024 டிசம்பர் மாதம் 19 ஆம் திகதியன்று, ஊழல் தடுப்பு நிவாரண விழிப்புணர்வு நிகழ்ச்சி நடத்தப்பட்டது. இலஞ்ச ஊழல் ஆணைக்குழுவின் ஊழல் தடுப்பு நிவாரண உத்தியோகத்தர்களான திருமதி ஜே.எல்.ஏ உதேசிகா மதுபாஸனி மற்றும் திரு. ஸம்மி ஸ்ரீலால் ஆகியோர் ஆகியோர் செயலமர்வின் வளவாளர்களாக கலந்து சிறப்பித்தனர். இந்நிகழ்ச்சித்திட்டத்தின் மூலம் இலஞ்சம், ஊழல் என்றால் என்ன, அதைத் தடுக்க முன்னெடுக்க வேண்டிய நடவடிக்கைகள் யாவை, அதன் விளைவுகள், மேலும் அவற்றால் ஏற்படும் பாதிப்புக்கள், ஊழல் எதிர்ப்பு சட்ட அறிமகம் முதலான விடயங்களை உள்ளடக்கியதான விழிப்புணர்வு ஏற்படுத்தப்பட்டமை குறிப்பிடத்தக்கது.

இலங்கையில் இருந்து இலஞ்சம் மற்றும் ஊழலை இல்லாதொழிக்கும் பிரதான நோக்கத்தின் கீழ், இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்யும் ஆணைக்குழு 2024-12-18 அன்று இலங்கையிலுள்ள அரச நிறுவனங்களில் இலஞ்சம் மற்றும் ஊழல் தொடர்பான முறைகேடுகளை இல்லாதொழித்து நேர்மையான அரச சேவைக்காக அரச அதிகாரிகளை வலுவூட்டும் தடுப்பு நிவாரண நிகழ்ச்சித்திட்டம் அகுனகொலபெலஸ்ஸ சிறைச்சாலை மற்றும் சீர்திருத்தப் பயிற்சி மையத்தில் நடத்தப்பட்டது, மேற்படி நிகழ்வில் 75 சிறைச்சாலை உத்தியோகத்தர்கள் சுமார் 6 மணித்தியாலயங்கள் நடந்தேறிய பயிலரங்கில் பங்குபற்றி பயனடைந்தனர். இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்யும் ஆணைக்குழுவின் ஊழல் தடுப்பு நிவாரண உத்தியோகத்தர்களான திருமதி விமுக்தி ஜயசூரிய மற்றும் திரு.சம்பத் ஆராச்சிகே ஆகியோர் செயலமர்வின் வளவாளர்களாக கலந்து சிறப்பித்தனர்.

தேசிய நீர் வழங்கல் மற்றும் வடிகாலமைப்புச் சபையின் அதிகாரிகளால் இலஞ்சம் மற்றும் ஊழலை இல்லாதொழித்தல் தொடர்பில் ஊழல் தடுப்பு நிவாரண நிகழ்ச்சித் தொடர் அங்குராற்பணம் செய்யப்பட்டுள்ளது. அதனடிப்படையில் மூன்று நிகழ்ச்சித்திட்டங்கள் 2024 செப்டம்பர் மற்றும் நவம்பர் மாதங்களில் தேசிய நீர் வழங்கல் மற்றும் வடிகாலமைப்பு சபையின் இரத்மலானை தலைமை அலுவலக.

தெரனியகல பிரதேச செயலகத்தில் நிருவாக கிராம உத்தியோகத்தராகப் பணிபுரியும் போது மரப் போக்குவரத்து அனுமதிப்பத்திரத்தைப் வழங்குவதற்காக முறைப்பாட்டாளரிடம் இலஞ்சம் கோரிப் பெற்றதற்கு எதிராக இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவினால் 2022 ஆம் ஆண்டு மார்ச் 25 ஆம் திகதி கொழும்பு மேல் நீதிமன்றத்தில் அதி குற்றப்பத்திரம் தாக்கல் செய்யப்பட்டது. மேற்படி குற்றப்பத்திரத்திற்கு எதரிhக பிரதிவாதிகள் தரப்பு தாக்கல் செய்த ஆரம்ப ஆட்சேபனையினை ஏற்று 2023 ஆம் ஆண்டு ஜூலை மாதம் 26 ஆம் திகதி மேல்நீதிமன்ற நீதிபதி அவர்களினால் குற்றஞ்சாட்டப்பட்டவர்களை விடுவித்து தீர்ப்பளிக்கப்பட்டது. கௌரவ மேல் நீதிமன்ற நீதிபதியினால் வழங்கப்பட்ட உத்தரவை மீளாய்வு செய்வதற்கு இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவினால் மேன்முறையீட்டு நீதிமன்றத்திற்கு மீளாய்வு விண்ணப்பம் தாக்கல் செய்யப்பட்டது.

தம்பலகமுவ பிரதேசத்தைச் சேர்ந்த ஒருவர் செய்த முறைப்பாட்டின் பிரகாரம் முறைப்பாட்டாளர் திருகோணமலை பொலிஸ் நிலையத்தில் பணத் தகராறு தொடர்பில் முறைப்பாடு செய்து முறைப்பாட்டாளருக்கு வழங்க வேண்டிய பணத்தை பெற்றுக்கொடுக்க தேவையான நடவடிக்கைகளை எடுத்துத்தருவதாக கூறி 2024.12.23 அன்று இலஞ்சமாக ரூபா. 5,000.00 இனை கோரிப் பெற்றுக்கொண்ட குற்றச்சாட்டில் திருகோணமலை பொலிஸ் நிலையத்தில் அன்று பல்வேறு முறைப்பாடுகள் விசாரணைப் பிரிவில் பணிபுரியும் சமூக பொலிஸ் பிரிவிற்கு விடுவிக்கப்பட்ட பொலிஸ் சார்ஜன்ட் குறித்த தினத்தில் பி.ப 2.13 மணியளவில் திருகோணமலை பொலிஸ் நிலைய அலுவலர்கள் உணவு உண்ணும் இடைவேளை அறைக்கு முன்பாக உள்ள வாகன தரிப்பிடத்தில் இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவின் சுற்றிவளைப்பு பிரிவு அதிகாரிகளினால் கைது செய்யப்பட்டார்.

சர்வதேச ஊழல் எதிர்ப்பு தினமான டிசம்பர் 09 ஆம் திகதியை மையமாகக் கொண்ட தேசிய நிகழ்ச்சித் திட்டமானது இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவினால் 2024 டிசம்பர் 09 ஆம் திகதி திங்கட்கிழமை அதிமேதகு ஜனாதிபதி அவர்களின் தலைமையில் பண்டாரநாயக்க ஞாபகார்த்த சர்வதேச மாநாட்டு மண்டபத்தில் நடைபெற்றது. இந் நிகழ்ச்சித் திட்டத்தினை அங்குராற்பனம் செய்து உரை நிகழ்த்திய ஆணைக்குழுவின் கௌரவ தலைவர் அவர்கள் நோக்கங்களை விளக்கியதுடன் இலங்கை ஜனநாயக சோசலிசக் குடியரசின் அதிமேதகு ஜனாதிபதி உட்பட அதிதிகளை வரவேற்றார்.

கோனகொல்ல பிரதேசத்தில் நபர் ஒருவர் செய்த முறைப்பாட்டின் பிரகாரம், அம்பாறை வன அதிகாரி அலுவலகத்தில் பணிபுரியும முதலாம் சந்தேகநபரான வட்டார வன உத்தியோகத்தர் ரூ. 40,000/= மற்றும் இரண்டாவது சந்தேக நபரான வனகள உதவியாளர் ரூ. 60,000/=இலஞ்சம் பெற்ற குற்றச்சாட்டில்; 2024.12.08 ஆம் திகதி இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவின் விசாரணை அதிகாரிகளால்; கைது செய்யப்பட்டனர்.

2023 இல 9 ஊழல் எதிர்ப்புச் சட்டத்தின் கீழ் மேற்கொள்ளப்பட்ட விசாரணைகளின் அடிப்படையில் முன்னாள் சுகாதார அமைச்சர் கெஹலிய ரம்புக்வெல்லவின் நடைமுறைக் கணக்கு மற்றும் நிலையான வைப்புக் கணக்குகள் தொடர்பில் (இரண்டு கணக்குகளின் மீதித் தொகை சுமார் 200 இலட்சம் ரூபா) 2023 ஆம் ஆண்டின் 09 ஆம் இலக்க ஊழல் எதிர்ப்புச்; சட்டத்தின் பிரிவு 53 (1) இன் படி 2024.12.17 ஆம் திகதியிலிருந்து 07 நாட்களுக்கு இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழு தடை உத்தரவு பிறப்பித்துள்ளது.

வீரவில பன்னெகமுவ பகுதியைச் சேர்ந்த முறைப்பாட்டாளர் ஒருவர் செய்த முறைப்பாட்டின் பிரகாரம் அவர் அரசாங்கக் கட்டணமாக 10000.00 (பத்தாயிரம் ரூபாய்) செலுத்தி தனது கடவுச்சீட்டைப் பெறுவதற்கு உரிய ஆவணங்களை 30.07.2024 அன்று சமர்ப்பித்துள்ளார். முறைப்பாட்டாளர் 12.12.2024 அன்று திணைக்களத்திற்கு கடவுச்சீட்டை பெற்றுக் கொள்ள சென்ற சந்தர்ப்பத்தில் குடிவரவு மற்றும் குடிவரவுத் திணைக்களத்தின் 2வது மாடியில் உள்ள தபால் நிலையத்தில் வைத்து, முறைப்பாட்டாளருக்கு அவருடைய கடவுச்சீட்மை வழங்குவதற்கு 6000.00 (ஆறாயிரம்) ரூபாவை இலஞ்சமாக கோரிப் பெற்றுக்கொண்ட சந்தர்ப்பத்தில் குற்றஞ்சாட்டப்பட்ட குடிவரவு மற்றும் குடியகழ்வு திணைக்களத்தின் அலுவலக ஊழியர் சேவையின் தரம் 1 ஊழியர்.குறி;த்த தினத்தன்று பிற்பகல் 1.45 மணியளவில் இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவின் அதிகாரிகளால் கைது செய்யப்பட்டார்.

கண்டி மாவட்டத்தின் பாத்தஹேவஹெட்ட பிரதேச செயலகப் பிரிவில் உள்ள கிரிமெடியாவத்தை காணியைப் பெற்றுக் கொடுப்பதற்குத் தேவையான அரச பணிகளை மேற்கொள்வதற்கு இடைத்தரகராகச் செயற்பட்டு 350,000.00 இலஞ்சக் கோரிக்கை விடுத்ததாக கடவத, கோனஹேன பிரதேசத்தைச் சேர்ந்த ஒருவர் செய்த முறைப்பாட்டின் பிரகாரம், காணி சீர்திருத்த ஆணைக்குழுவின் மூலம் பயிர்ச்செய்கை நோக்கங்களுக்காக காணியினை கொள்வதற்குரிய அரச பணிகளை முன்னெடுத்து தருவதாக கூறி மேற்படி 350000.00 ரூபாவினை இலஞ்சமாக கோரிப் பெற்றுக் கொண்ட குற்றச்சாட்டில் தலத்துஓயா பிரதேசத்தினை சேர்ந்த இடைத்தரகரான சிவிலியன் ஒருவர் 11.12.2024 அன்று காலை 11.30 மணியளவில் கண்டி போகம்பர விளையாட்டு மைதானத்திற்கு முன்பாக உள்ள வாகன தரிப்பிடத்தில் இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவின் சுற்றிவளைப்பு பிரிவு அதிகாரிகளினால் கைது செய்யப்பட்டார்.

அரசுக்கு செலுத்த வேண்டிய உரிய சுங்க வரியை செலுத்தாமல், சட்டவிரோதமாக இறக்குமதி செய்யப்பட்ட சுமார் 6,000 மோட்டார் வாகனங்கள் பாவணையில்; இருப்பது குறித்து இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவினால் விசாரணைகள் முன்னெடுக்கப்பட்டு வருகின்ற நிலையில், மோட்டார் போக்குவரத்து திணைக்களத்தில் பொய்யாக பதிவு செய்யப்பட்ட அடையாளம் காணப்பட்ட வாகனங்கள் தொடர்பில் சட்ட நடவடிக்கை எடுக்கப்பட்டு வருகிறது. இவ்வாறான வாகனங்கள் விசாரணைக்காக தடுப்புக் காவலில் வைக்கப்பட்டு மேலதிக விசாரணைக்காகவும் சுங்க வரிகள் மற்றும் பிற கட்டணங்களை வசூலிப்பதற்காகவும் இலங்கை சுங்கத்திடம் ஒப்படைக்கப்பட்டன. இதுபோன்ற சந்தர்ப்பங்களில், அந்த வாகனங்களின்; இரண்டாவது அல்லது அடுத்தடுத்து வரும் உரிமையாளர்கள் பல்வேறு சிரமங்களையும் நெருக்கீடுகளையும் சந்திக்க வேண்டிய நிலை ஏற்பட்டுள்ளமை குறிப்பிடத்தக்கது.