தெஹியத்தகண்டியவில் உள்ள மகாவலி அபிவருத்தி அதிகார சபையின் (MDA) C வலயத்தில் இலஞ்சம் மற்றும் ஊழல் பற்றிய சார்த்துதல்களை விசாரணை செய்யும் ஆணைக்குழுவுடன் (CIABOC) இணைந்து, ஊழல் எதிர்ப்பு நிகழ்ச்சித்திட்டத்தை வெற்றிகரமாக நடத்தியது. இந்த நிகழ்வில் காணி உத்தியோகத்தர்கள்;, பிரிவு முகாமையாளர்கள், கள உதவியாளர்கள், எழுதுனர்கள், அலுவலக நிர்வாகிகள், பொறியியளாளர்கள் மற்றும் விவசாய ஆலோசகர்கள் ஆகியோர் அரச வள முகாமையில் நேர்மைத்திறன் மற்றும் வெளிப்படைத்தன்மையை ஊக்குவிக்கும் நோக்கில் ஒன்றிணைக்கப்பட்டனர்.

களனி பள்ளத்தாக்கு தோட்ட தனியார் நிறுவன முகாமைத்துவம் மற்றும் தோட்ட ஊழியர்களுக்கு 2025 பெப்ரவரி 11 ஆம் திகதியன்று நிகழ்நிலை மூலம் முன்னெடுக்கப்பட்ட இலஞ்சம் மற்றும் ஊழல் பற்றிய பயிற்சி நெறியானது வெற்றிகரமாக முன்னெடுக்கப்பட்டமை குறிப்பிடத்தக்கது. நிகழ்நிலையில் மைக்ரோசொப்ட் TEAM செயலி மூலம் நடாத்தப்பட்ட இப்பயிற்சி நெறியில் பங்குபற்றுனர்கள் களனி பள்ளத்தாக்கு தோட்ட மாநாட்டு மண்டபத்தில் இருந்து இணைந்து கொண்டனர்.

அரச சேவையில் நேர்மை திறமை மேம்படுத்தும் நோக்கில் பயிற்சி பெற்ற 70க்கும் மேற்பட்ட உள்ளூர் அதிகாரிகள்

இலஞ்சம் மற்றும் ஊழல் பற்றிய சார்த்துதல்களை விசாரணை செய்யும் ஆணைக்குழு (CIABOC) கடந்த ஜனவரி 20 திகதியன்று ஹோமாகம பிரதேச செயலகத்தின் கீழ் உள்ள 70க்கும் மேற்பட்ட கிராம அலுவலர்களுக்கு (கிராமத் தலைவர்கள்) இலஞ்சம் மற்றும் ஊழல் தடுப்பு குறித்த சிறப்புப் பயிற்சிப் பட்டறையை ஏற்பாடு செய்தது. ஹோமாகம பிரதேச செயலகத்தின் புதிதாக திறக்கப்பட்ட கேட்போர் கூடத்தில் நடைபெற்ற இந்த நிகழ்ச்சி, பொது நிர்வாகத்தில் நெறிமுறை நடைமுறைகளை வலுப்படுத்துவதையும், அரசாங்க சேவைகளுக்கான பொதுமக்களின் அணுகலை நெறிப்படுத்துவதையும் நோக்கமாகக் கொண்டது.

இலஞ்சம் மற்றும் ஊழல் தொடர்பான புதிய சட்டம் குறித்த விழிப்புணர்வை ஏற்படுத்தவும், பொது பயணிகள் போக்குவரத்து துறையில் இலஞ்சம் மற்றும் ஊழலை இல்லாதொழிக்கும்; நோக்கத்துடன் நேர்மைத்திறன் குறித்த விழிப்புணர்வை ஏற்படுத்தும் நோக்கிலான பிரிதொரு தடுப்பு நிவாரண நிகழ்ச்சி கடந்த 07.02.2025 அன்று நடைபெற்றது. தேசிய போக்குவரத்து ஆணைக்குழு மற்றும் மேல்மாகாண பயணிகள் போக்குவரத்து அதிகாரசபையின் அதிகாரிகள் 38 பேர் கலந்து கொண்ட இந்நிகழ்வு பஸ்தியன் மாவத்தையில் அமைந்துள்ள தேசிய போக்குவரத்து ஆணைக்குழுவின் அலுவலக வளாகத்தில் இடம்பெற்றது.

கம்பஹா மாபிம ஆரம்பப் பாடசாலையின் மாணவியை, தக்ஷிலா வித்தியாலயத்தில் 2015 ஆம் ஆண்டு தரம் ஐந்தில் சேர்க்கும் நோக்கத்துடனும் அறிவுடனும் கம்பஹா ஸ்ரீபோதி வித்தியாலயத்தின் முன்னாள் அதிபர் டிகிரி பண்டார சேனாநாயக்ககே விக்ரம சேனாநாயக்க செயற்பட்டு ஊழல் குற்றம் புரிந்தமைக்கு எதிராக குற்றப்பத்திரிகை தாக்கல் செய்யப்பட்டிருந்தமை குறிப்பிடத்தக்கது. மாகாணக் கல்விப் பணிப்பாளரின் முறையான அனுமதியின்றி மாணவியை கம்பஹா தக்ஷிலா வித்தியாலயத்தில் சேர்க்கும் நோக்கத்தில் அதிபர் கம்பஹா ஸ்ரீபோதி வித்தியாலயத்தில் அனுமதித்துள்ளதாக விசாரணையில் தெரியவந்துள்ளது.

செல்லுபடியான வருமான அனுமதிப்பத்திரம் மற்றும் சாரதி அனுமதிப்பத்திரம் வாகனம் செலுத்தியமை தொடர்பான குற்றச்சாட்டில் இருந்து விடுவிக்கும் பேரில் மது போத்தல் ஒன்றை இலஞ்சமாக கோரிப் பெற்றுக் கொண்டமையுடன் தொடர்புடை குற்றத்திற்கு எதிராக MC B 34056/01/2015 எனும் வழக்கு இலக்கத்தின் கீழ் ஆணைக்குழுவினால்; தொடரப்பட்ட வழக்கில், கொஸ்கம பிரதேசத்தைச் சேர்ந்த ஜி.கே.சமிந்த கமல்சிறி விஜேசிங்கவை குற்றவாளியென தீர்ப்பளித்து, கடந்த 31.01.2025 அன்று கொழும்பு பிரதான நீதவான் நீதிமன்றத்தின் முன்னால் பிரதான நீதிவான் கௌரவ பிரசன்ன அல்விஸ் அவர்கள் தீர்ப்பினை வழங்கினார்.

இலஞ்சம் மற்றும் ஊழலை இல்லாதொழித்து வளமான நாட்டை உருவாக்கும் நோக்குடன் மலர்ந்த 2025 ஆம் ஆண்;டில் தனியார் துறைக்கான முதலாவது தடுப்பு வேலைத்திட்டம் 16.01.2025 அன்று போகல கிராஃபைட் லங்கா தனியார் நிறுவனத்தின் நிறைவேற்று அதிகாரிகளுக்காக நடைபெற்றது. இந்நிகழ்ச்சியில் அந்த நிறுவனத்தின் பொது முகாமையாளர் உட்பட 37 நிர்வாக அலுவலர்கள் கலந்து கொண்டனர்.

கிரிபாவ பிரதேசத்தைச் சேர்ந்த ஒருவர் செய்த முறைப்பாட்டின் பிரகாரம், திருமணமாகி தன்னை விட்டுப் பிரிந்து சென்ற மனைவிக்கு எதிராக தொடுத்த நஷ்டஈடு வழக்கு தொடர்பாக அவரது மனைவிக்கு எதிராக பிடியாணையை நிறைவேற்றி மனைவியை நீதிமன்றத்திற்கு அழைத்து வர ஏற்பாடு செய்வதற்காக பொலிஸ் அலுவலர் ரூ. 20,000/= (இருபதாயிரம் ரூபாய்) இலஞ்சம் கேட்டதாகவும், அந்தத் தொகையை வழங்கவில்லை என்றால், முறைப்பாட்டாளரை சில சட்டவிரோத செயல்களுக்காக வழக்குப் பதிவு செய்து சிறையில் அடைப்பதாகவும், அதைச் செய்யாமல் இருக்க ரூபா 20,000/= இலஞ்சம் கோருவதாகவும் கிடைக்கப்பெற்ற முறைப்பாட்டின் அடிப்படையில் குறித்த பொலிஸ் அலுவலர் 24.01.2025 அன்று மதியம் 1.22 மணியளவில் முறைப்பாட்டாளரின் வீட்டில் வைத்து குறித்த தொகையை கோரிப்பெற்றுக் கொண்ட சந்தர்ப்பத்தில் கிரிபாவ பொலிஸ் சார்ஜன்ட் இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்யும் ஆணைக்குழுவின் விசாரணை அதிகாரிகளினால் கைது செய்யப்பட்டார்.

மாவனல்லை, உத்துவான்கந்த பிரதேசத்தைச் சேர்ந்த நபர் ஒருவர் செய்த முறைப்பாட்டின் பிரகாரம், அவருக்குச் சொந்தமான காணியில் நிர்மாணிக்கப்படவுள்ள கட்டிடத் திட்டத்திற்கான அனுமதியை வழங்குவதற்காக மாவனல்லை பிரதேச சபையின் தலைவர் மற்றும் சாரதி ஆகியோர் இரண்டு இலட்சம் ரூபா (இரண்டு மில்லியன் ரூபா) இலஞ்சம் கோரிப் பெற்றுக் கொண்டமை தொடர்பில் நடந்த விசாரணையின் அடிப்படையில் மாவனல்லை பிரதேச சபையின் தலைவர் மற்றும் சாரதி ஆகியோர் மீது இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்யும் ஆணைக்குழுவினால் வழக்கு தொடரப்பட்டுள்ளது.

முன்னாள் சிவில் விமான சேவைகள் அமைச்சர் திரு. உன்னதி பியங்கர ஜயரத்னவுக்கு எதிராக ஊழல் குற்றச்சாட்டு தொடர்பில் மூன்று வழக்குகளை இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்யும் ஆணைக்குழு தாக்கல் செய்துள்ளது. அதன்படி,

இலங்கை சுங்கத்தால் அனுமதி பெறப்படாமல் மோட்டார் போக்குவரத்து திணைக்களத்தில் பதிவுசெய்யப்பட்ட வாகனங்கள் தொடர்பான மோட்டார் வாகனம் தொடர்பில் இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்யும் ஆணைக்குழுவினால் மேற்கொள்ளப்பட்டு வரும் விசாரணைகள் தொடர்பில், ர்பு – 5087 என்ற இலக்கத்தின் கீழ் முதலில் லொறி பதிவு செய்யப்பட்டதுடன் கடந்த 2022.08.15ஆம் திகதி, மோட்டார் போக்குவரத்து திணைக்களத்தின் ஹம்பாந்தோட்டை அலுவலகம் சட்டவிரோதமான முறையில் ஜீப்பிற்கான பதிவு சான்றிதழை வழங்கியது. குறித்த பதிவுச் சான்றிதழை அங்கீகரித்து அச்சிடுவதற்காக அனுமதி வழங்கியமை தொடர்பில் மோட்டார் வாகன திணைக்களத்தின் பிரதி ஆணையாளர் ஒருவர் தொடர்பில் விசாரணை நடாத்தப்பட்டு வருகிறது.

சொத்துக்கள் பெறுப்புக்கள் வெளிப்படுத்துகைக்கான இலத்திரனியல் முறைமை அறிமுகம் தெரிவு செய்யப்பட்ட ஊழல் எதிர்ப்பு முயற்சிகளுக்கான ஆதரவு செயற்திட்டத்தின் கீழ் கடந்த அண்மையில் ஜனவரி 16 ஆம் திகதி ஆணைக்குழுவின் பிரதான கேட்போர் கூடத்தில் இடம் பெற்ற நிகழ்வில் அங்குராற்பனம் செய்து வைக்கப்பட்டது. அரச துறையில் வெளிப்படைத்தன்மை, பொறுப்புக்கூறல் மற்றும் நிர்வாகத்தை மேம்படுத்துவதற்கான இலங்கையின் தொடர்ச்சியான முயற்சிகளில் இந்த நிகழ்வு ஒரு குறிப்பிடத்தக்க மைல்கல்லாகும்.