அரசுக்கு செலுத்த வேண்டிய உரிய சுங்க வரியை செலுத்தாமல், சட்டவிரோதமாக இறக்குமதி செய்யப்பட்ட சுமார் 6,000 மோட்டார் வாகனங்கள் பாவணையில்; இருப்பது குறித்து இலஞ்சம் மற்றும் ஊழல் பற்றிய சார்த்துதல்களை புலனாய்வு செய்யும் ஆணைக்குழுவினால் விசாரணைகள் முன்னெடுக்கப்பட்டு வருகின்ற நிலையில், மோட்டார் போக்குவரத்து திணைக்களத்தில் பொய்யாக பதிவு செய்யப்பட்ட அடையாளம் காணப்பட்ட வாகனங்கள் தொடர்பில் சட்ட நடவடிக்கை எடுக்கப்பட்டு வருகிறது. இவ்வாறான வாகனங்கள் விசாரணைக்காக தடுப்புக் காவலில் வைக்கப்பட்டு மேலதிக விசாரணைக்காகவும் சுங்க வரிகள் மற்றும் பிற கட்டணங்களை வசூலிப்பதற்காகவும் இலங்கை சுங்கத்திடம் ஒப்படைக்கப்பட்டன. இதுபோன்ற சந்தர்ப்பங்களில், அந்த வாகனங்களின்; இரண்டாவது அல்லது அடுத்தடுத்து வரும் உரிமையாளர்கள் பல்வேறு சிரமங்களையும் நெருக்கீடுகளையும் சந்திக்க வேண்டிய நிலை ஏற்பட்டுள்ளமை குறிப்பிடத்தக்கது.

சர்வதேச நாணய நிதியத்தின் இலங்கை தொடர்பான மூன்றாவது மதிப்பாய்வூக்கு சமாந்தரமாக பதவி நிலை மட்டத்திலான கலந்துரையாடல்கள் தற்போது தொடங்கப்பட்டுள்ளதுடன்இ அது தொடர்பான விசேட சந்திப்பொன்று 2024.11.19 அன்று ஆணைக்குழுவின் தலைவர்இ ஆணையாளர்கள் உட்பட அதிகாரிகள் மற்றும் சர்வதேச நாணய நிதியத்தின் முகவர்களின் பங்குபற்றுதலுடன் இலஞ்சம் அல்லது ஊழல் பற்றிய சார்த்துதல்களை புலனாய்வூ செய்வதற்கான ஆணைக்குழு வளாகத்தில் இடம்பெற்றது.

Steel Impex and Industries எனும் இந்திய தனியார் நிறுவனம் மூலமாக இலங்கை போக்குவரத்து சபைக்கு சுங்க வரி இன்றி இறக்குமதி செய்யப்பட்ட பேரூந்து உதிரிப் பாகங்கள் தொடர்பாக இலங்கை சுங்கத்தினால் மெற்கொள்ளப்படும் விசாரணைகளை நிறுத்துவதற்கு மற்றும் செலுத்த வேண்டிய வரித் தொகையை செலுத்தாமல் இருப்பதற்கு அவசியமான நடவடிக்கைகளை மேற்கொள்வதற்கு குறித்த வழக்கின் முறைப்பாட்டாளரிடமிருந்து 15 கோடி ரூபாய் இலஞ்சமாகக் கேட்டு அதனை 12.5 கோடி ரூபாயாகக் குறைத்து பெற்றுக்கொண்ட குற்றச்சாட்டில் குற்றவாளிகளாக்கப்பட்ட இலங்கை சுங்கத்தின் சுங்க அத்தியட்சகர்கள் மூவர் மற்றும் உதவிச்சுங்க அத்தியட்சகர் ஒருவருக்கு எதிராக இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவினால் 2021.07.29 அன்று தாக்கல் செய்யப்பட்ட அதிகுற்றச்சாட்டுப் பத்திரத்தில் குறிப்பிடப்பட்ட அனைத்து குற்றச்சாட்டுக்களுக்கும் குறித்த சந்தேக நபர்களை குற்றவாளிகள் எனத் தீர்ப்பளித்த மேல் நீதிமன்றம் அவர்களுக்கு 35 வருட கடூழிய சிறைத்தண்டனை வழங்கியது. குறித்த தண்டனைக்கு மேலதிகமாக அரசுக்கு அபராதமாக தலா 12.5 கோடி ரூபாய் வழங்குமாறும் குறித்த குற்றவாளிகளுக்கு ஆணையிடப்பட்டது.

ராகம, மத்துமகல பிரதேசத்தை சேர்ந்த பெண்ணொருவரால் மேற்கொள்ளப்பட்ட முறைப்பாடு ஒன்றிற்கு அமைய, குறித்த பெண்ணின் பிள்ளையை 2025ஆம் ஆண்டிற்கு தரம் ஒன்றில் சேர்ப்பதற்கு 150,000.00 ரூபாயை இலஞ்சமாக கேட்டுப் பெற்ற ராகம பிரதேசத்திலுள்ள ஆரம்ப பாடசாலையொன்றின் அதிபரொருவர் 2024.11.07 அன்று பிற்பகல் 04.00 மணியளவில் குறித்த பாடசாலையின் அலுவலகத்தில் வைத்து இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவின் புலனாய்வு அதிகாரிகளால் கைது செய்யப்பட்டார்.

தங்கல்ல மதுவரி அலுவலகத்தில் கடமையாற்றிய உத்தியோகத்தர் ஒருவருக்கு எதிராக இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவினால் நீதிமன்றத்தில் இலஞ்ச வழக்கொன்று தொடுக்கப்பட்டிருந்ததுடன், குறித்த வழக்கானது முறைப்பாட்டாளரினால் தன் கணவருக்கு எதிராக சட்டரீதியான நடவடிக்கை எடுக்காதிருப்பற்காக குறித்த மதுவரி உத்தியோகத்தர் 5000.00 ரூபாய் இலஞ்சம் பெற்றமை தொடர்பிலாகும். இது 2024.10.23 அன்று மேன்முறையீட்டு நீதிமன்றத்தினால் உறுதிப்படுத்தப்பட்டிருந்தது.

இலங்கையிலிருந்து இலஞ்சம் மற்றும் ஊழலை இல்லாதொழித்து நேர்மைத்திறனான நாடொன்றை உருவாக்குவதனை நோக்காகக் கொண்டு ஊழல் தடுப்பு நிவாரண நிகழ்ச்சியொன்று கடந்த 20.10.2024 அன்று பொல்கொல்ல தேசிய கூட்டுறவு அபிவிருத்தி நிறுவனத்தில் நடைபெற்றது. பௌத்த அலுவல்கள் திணைக்களத்தினால் ஏற்பாடு செய்யப்பட்டிருந்த 2 நாள் பயிற்சி முகாமொன்றில் இரண்டாவது நாளில் 'நேர்மைத்திறனான அரச சேவை' எனும் தொனிப்பொருளில் விரிவுரையாற்றுவதற்காக இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவிற்கு அழைப்பு விடுக்கப்பட்டிருந்தது. அதனடிப்படையில் நேர்மைத்திறன் கோட்பாடு, இலஞ்சம் மற்றும் ஊழல் தொடர்பான சட்ட ஏற்பாடுகள் மற்றும் இலஞ்சம், ஊழலின் விளைவுகள் தொடர்பாக இங்கு கலந்துரையாடப்பட்டது.

இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழு ஊழலுக்கு எதிரான நீண்டகாலப் போராட்டத்தை வலுப்படுத்தும் முக்கிய காரணிகளாக நேர்மைத்திறன் தொடர்பான கல்வியை மேம்படுத்தல் மற்றும் அது இளைய தலைமுறையினரை சென்றடைதல் ஆகிய விடயங்களை இனங்கண்டுள்ளது. இந்தக் கொள்கையைப் பின்பற்றி, இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவின் ஊழல் தடுப்பு நிவாரணப் பிரிவு அக்டோபர் 3, 2024 அன்று இலங்கை சமுத்திர பல்கலைக்கழகத்தின் கல்வி சார் மற்றும் கல்வி சாரா ஊழியர்களுக்கான ஒரு நிகழ்ச்சியினை நடத்தியது.

இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவின் இரகசிய புலனாய்வுப் பிரிவிற்கு கிடைத்த தகவலொன்றின் அடிப்படையில் இலங்கை சுங்கத்தின் அனுமதி பெறப்படாத வாகனங்கள் தொடர்பாக மேற்கொண்ட விசாரணைகளின் மூலம் பொறுப்பில் எடுக்கப்பட்ட மிட்சுபிசி ஜீப் வாகனமொன்று நீதிமன்ற உத்தரவின் பெயரில் 11.10.2024 அன்று கொழும்பு பிரதான நீதிவான் நீதிமன்றத்திற்கு முன்னிலைப்படுத்தப்பட்டதுடன் மேலதிக சுங்க விசாரணைகளுக்காக இலங்கை சுங்கத்திடம் கையளிக்குமாறு கொழும்பு பிரதான நீதிவான் திலின கமகே அவர்களால் ஆணையிடப்பட்டது.

2023ஆம் ஆண்டின் 9ஆம் இலக்க ஊழல் எதிர்ப்புச் சட்டத்தின் 25(2) ஆவது பிரிவின் அடிப்படையில்  2024.10.07 அன்று வெற்றிடமாகிய ஆணைக்குழுவின்  பணிப்பாளர் நாயகம் பதவிக்கு 3 மாத காலத்திற்குள் புதிதாக ஒருவர் நியமிக்கப்படும் வரையில் சனாதிபதி அவர்களால் தற்பொழுது ஆணைக்குழுவின் மேலதிக பணிப்பாளர் நாயகமாக கடமையாற்றும் திருமதி. எம்.வை.ஆர்.கே. உடவெல அவர்களுக்கு ஆணைக்குழுவிற்கு உதவும் வகையில் பணிப்பாளர் நாயயகத்தின் அதிகாரங்கள், கடமைகள் அல்லது செயற்பாடுகள் பொறுப்பாக்கப்பட்டுள்ளன. 

இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்வதற்கான ஆணைக்குழுவிற்கு கிடைத்த முறைப்பாடு ஒன்றிற்கு அமைய சுகாதார அமைச்சில் அறுவை சிகிச்சை விளக்குகள் 35 இனை கொள்வனவு செய்வதற்கான டென்டர் நடைமுறையில் இடம் பெற்ற ஊழல் தொடர்பாக விசாரணை செய்யப்பட்டது.

ஆணைக்குழுவிற்கு கிடைத்த முறைப்பாடு ஒன்றிற்கு அமைய, வனாதவில்லு பொலிஸ் நிலையத்தின் முன்னால் நிலைய பொறுப்பதிகாரியான லியன பதிரன்னெஹெலாகே நாலிந்த உபுல் பதிரத்ன என்பவருக்கு எதிராக பாலியல் இலஞ்சம் கேட்ட குற்றச்சாட்டில் 2024.10.01 அன்று ஆணைக்குழுவினால் மேல் நீதிமன்றத்தில் வழக்குத் தொடுக்கப்பட்டுள்ளது.

ஆணைக்குழுவிற்கு கிடைத்த முறைப்பாடு ஒன்றிற்கு அமைய ஆணைக்குழவின் இரகசிய புலனாய்வுப் பிரிவினரால் மேற்கொள்ளப்பட்ட விசாரணைகளுக்கு அமைய சட்ட விரோதமாக இலங்கைக்கு கொண்டு வந்து அரசிற்கு சேர வேண்டிய வரிப்பணத்தினை கிடைக்காது செய்யும் வகையில் மோட்டார் வாகன போக்குவரத்து திணைக்களத்தில் பதிவு செயய்யப்பட்ட மிட்சுபிசி ஜீப் வாகனமொன்றினை 2024.09.18 இற்கு முன்னர் ஆணைக்குழுவிற்கு முன்னிலைப்படுத்துமாறு நீதிமன்றத்தினால் உத்தரவு வழங்கப்பட்டது. எனினும், குறித்த உத்தரவினை மீறிய காரணத்தினால் கொழும்பு பிரதான நீதிவான் நீதிமன்றத்தினால் வழக்கு எண் B 16054/01/24 எனும் வழக்கிற்கு அமைய பதுளை, நெலும்கம பிரதேசத்தை சேர்ந்த வர்த்தகர் ஒருவருக்கு எதிராக பிடியாணை பிறப்பிக்கப்பட்டதுடன், குறித்த பிடியாணையை நடைமுறைப்படுத்த மற்றும் நீதிமன்ற உத்தரவின் படி குறித்த வாகனத்தை கையகப்படுத்த ஆணைக்குழுவின் இரகசிய புலனாய்வுப் பிரிவினரால் நடவடிக்கை எடுக்கப்பட்டது.